Тус сургууль анх 1940 онд Баянхонгор аймгийн Богд сумын нутаг Цутгалангийн эх "Гурван бургасны тохой" гэдэг газар 2 багш, 3 ажилчин, 69 сурагчтай үйл ажиллагаагаа эхэлжээ. Анхны захирал Норов гэдэг хүн байжээ. 1963-1964 оны хичээлийн жилд 7 жилийн сургууль, 1978-1979 онд 10 жилийн сургууль болсон байна. 2008 онд 11 жилийн, 2015 онд 12 жилийн сургалттай болж өргөжжээ. 

          Одоо нийт 55 ажилтантай. Үүнээс 34 багш, 21 ажилчинтай. Дотуур байранд 104 суралцагчтай. 2023-2024 оны хичээлийн жилд сурагчдын ойлгож унших, ярих чадварыг сайжруулан, зөв мэндэлж, бие биедээ хүндэтгэлтэй ханддаг, өглөөний цайгаа тогтмол ууж хэвшсэн сурагчтай болно гэсэн зорилго дэвшүүлэн ажиллаж байна.